Ang di pagsulat ng kahit anong tungkol sayo ang isa sa mga magandang birthday gift ko sa sarili ko.
May mga ilang taon din tayong magkasamang nag diwang ng aking kaarawan kung kaya't lagi kita naaalala tuwing sasapit ang aking kaarawan. Hirap akong kalimutan ang mga bagay na nakapag pasaya sa akin, kaya siguro nung mga nakaraang kaarawan ko ay lagi ka paring kasama sa mga naaalala ko.
Totoo talaga yung nabasa ko sa post ng kaibigan ko "maiksi ang pag-ibig at napaka tagal ng paglimot". Ang totoo'y baka nag sulat ulit ako ngayong kaarawan ko eh dahil naalala kita? Hindi ko na din alam. Pero sa kinatagal tagal kong di nagsulat ng kahit ano, mapatungkol sayo o sa ibang kalungkutan ko, isa parin to sa magandang regalo ko para sa sarili ko ngayong araw na to.
