Di na kita nakikita sa mga panaginip ko. Wala na rin yung amoy ng shampoo mo sa unan ko.
Hindi na kita hinahanap sa cubao expo o sa circle na madalas nating tinatambayan nung college tayo. Hindi na rin ako nagbabakasakaling makasalubong kita sa sakayan ng bus sa may technohub.
Di na ko ganong naglalasing tuwing sasapit yung mga araw na importante satin dati katulad ng anibersaryo at kaarawan.
Okay na ba ko neto?
Pero bumibili parin ako ng extrang Marlboro black sa tuwing balak kong tumambay at mag yosi lang sa expo.
Nagigising parin ako ng kusa kapag binanggit ng konduktor sa bus yung lugar ba binababaan mo dati. Palinga linga parin ako sa labas ng bintana na parang may hinahanap na hindi naman alam kung ano yun.
At di ko parin maalis ang sangkaterbang unan sa kama ko masabi lang na di ako nag iisa.
Okay na ba talaga ko? Sana maging okay na ko
Ready ka na bang maging okay? Yun lang naman yun eh.. We cling on things that hurt us, and we let go when we are ready to let go.
TumugonBurahin