May mga ganitong panahon talaga na naiisip ko, sana hindi na lang kita nakilala.
Sana hindi mo ko nginitian.
Edi sana hindi kita napansin.
Sana hindi ka nagteks sa akin na umiinom ka pala.
Edi sana hindi tayo nag kainuman.
Sana hindi tayo nagkaroon ng common friends.
Edi sana hindi tayo naging malapit.
Sana hindi ka naging mabait.
Sana gaya ng unang impression ko sayo ay naging suplada ka na lang talaga.
Edi sana hindi mo ko pinansin.
Sana hindi tayo nagkakwentuhan sa mga gusto natin.
Nalaman mo tuloy na gusto kita.
Nalaman ko din na gusto mo.
Sana hindi ko sinabing mahal kita at sana hindi mo ko hinalikan nung araw na yun,
Edi sana hindi naging tayo.
Sana hindi mo ko niyayakap ng mahigpit nung magkasama tayo
Edi sana hindi ako nangungulila ngayon.
Sana hindi mo pinaramdam na sobrang espesyal ko noon
Hindi sana malungkot ang buhay ko ngayon.
Pero dumating ka sa buhay ko.
Nakangiti. Napansin tuloy kita.
Nagkateks na umiinom ka. Nakainuman tuloy kita.
May common friends. Napalapit tuloy ako sayo.
Naging mabait ka hindi katulad ng iniisip ko. Kaya pinansin mo ko.
Nagkakwentuhan ng ayaw at gusto. Nagkaalaman tuloy tayo.
Nagusto kita at gusto mo ko.
Sinabi kong mahal kita at hinalikan mo ko. Mula nun sinabi ko ng tayo.
Lagi mo kong niyayakap nung magkasama tayo. Hindi ako nakaramdam ng pangungulila sa piling mo.
Pinaramdam mong espesyal ako.
Binubuo mo ang bawat araw ko.
Kaya naging masaya ang buhay ko noon.
Alam mo naiisip ko? Sana hindi ka na lang umalis. Pakiramdam ko tuloy kulang-kulang na ako.
Walang komento:
Mag-post ng isang Komento